شرح بالصور طريقة المشاركة والتواصل مع الاعضاء في المنتدى

بسم الله الرحمن الرحيم

الاعضاء الاعزاء ، اعضاء منتديات طمطوم

اجمل تحية معطرة بالورود لاجمل اعضاء

بعد ان شرحت طريقة التسجيل في منتدى طمطوم ، وبعد ان اكتشفت ان العديد من الاعضاء يحبون المشاركة والتواصل مع الاعضاء لاحظت ان الكثير منهم لا يعرف كيفية المشاركة في المنتدى لذلك اليوم سأشرح بالتفصيل طريقة المشاركة في المنتدى والتواصل مع الاعضاء



نبدأ الدرس الان وباختصار لكيفية المشاركة في المواضيع في المنتدى وطريقة المشاركة في الردود والتواصل معنا بشكل مستمر

******

بعد ان قمنا بالتسجيل في منتديات طمطوم
وعلى هذا الرابط شرح طريقة التسجيل في المنتدى

http://www.6m6om.com/vb/showthread.php?t=5377

الان نريد المشاركة في المنتدى

اولاً لازم نحفظ عنوان المنتدى وهو سهل الحفظ ( يعني مو حلوة والله نشارك في منتدى واحنا مش حافظين عنوان المنتدى هههههههه )

العنوان : www.6m6om.com/vb

والان وبعد ان سجلنا في المنتدى نأتي الى شرح المشاركة ...

اولاً : يجب التأكد من تسجيل الدخول في المنتدى بالعضوية وكلمة المرور التي قمنا بالتسجيل فيها

في اعلى المنتدى ستجد مكان تسجيل الدخول ( وبالعادة وبعد التسجيل في المنتدى فان نظام المنتدى يسجل دخولك تلقائياً بدون كتابت كلمة المرور واسم العضوية مرة اخرى )

والان اليكم هذه الصورة توضح طريقة تسجيل الدخول





في هذه الصورة نوضح كيفية تسجيل الدخول في حال لم يتم تسجيل الدخول تلقائياً

والان ستجد انك مسجل للدخول في المنتدى سواء كان تلقائياً او عندما تقوم بكتابة كلمة السر واسم العضو

وهذه الصورة توضح في حال انك مسجل للدخول ::






*******

والان وبعد تسجيل الدخول في المنتدى اصبحنا نتصفح المنتدى عن طريق العضوية الخاصة بنا ..
والان نريد ان نبداً في المشاركة في المنتدى ...
وسأشرح مثال على اضافة موضوع جديد ومثال على اضافة رد ...

------

نبدأ الان في شرح اضافة موضوع جديد ، وبعد ان قمنا بالاجراءات في التي وضحناها في الاعلى ،

نقوم باختيار القسم الذي نريد ان نقوم باضافة موضوع جديد فيه ،

وانا سأختار قسم ( منتدى التعارف والاصدقاء ) وذلك لانني عضو جديد واريد ان اتعرف على الاعضاء في المنتدى وان يقوموا بالترحيب بي ..

اولاً نقوم بالضغط على منتدى التعارف والاصدقاء وذلك لدخول هذا القسم ..





وبعد ذلك سنلاحظ اننا موجودون داخل قسم منتدى التعارف والاصدقاء وسنلاحظ ان هناك الكثير من المواضيع داخل القسم وهذه المواضيع تم كتابتها من قبل الاعضاء سواء كانت مواضيع للترحيب بعضو جديد او للتعريف بعضو او اهداء او تعارف والعديد من المواضيع التي تتعلق في الصداقة ..

وهذه الصورة توضح المواضيع داخل القسم ...






******

الان نحن نريد اضافة موضوع كي نطلب من الاعضاء الترحيب بنا على سبيل المثال ( طبعاً الشرح هذا يمكن تطبيقه على جميع الاقسام في المنتدى سواء كان على اضافة موضوع شعر او قصة او فلم او صور او اغاني او اي موضوع )

سنجد في اعلى القسم ايقونة مكتوب عليها (( موضوع جديد )) نقوم بالضغط عليها ..






بعد ذلك سنجد ان صفحة جديدة قد فتحت وهي صفحة كتابة الموضوع وعنوان الموضوع (( يعني صندوق الكتابة ومحرر الكتابة )) ..

وما بدي احكي كتيير رح احط صور الي تشرح طريقة الكتابة من خلال هذه الصفحة ...

اليكم الصورة ::: لطريقة الكتابة (( بس لا تنسى ان تقوم بالضغط على الصورة عشان تكبر وتعرف تشوف الشرح منيح ))






وفي هذه الصورة انا وضحت كل شئ وعشان انتوا ما تحكوا ان كل هاد لازم اعمله عشان كتابة الموضوع فانا بدي احكي شو اهم شي في كتابة الموضوع ...

طبعاً اهم شي في كتابة الموضوع

هو فقط عنوان الموضوع ونص الموضوع ... وبعد هيك لازم نضغط على اعتماد الموضوع ...

هلة رح نلاحظ ان انتقلنا للموضوع الي قمنا بكتابته وصرنا بنعرف كيف نكتب موضوع ... ههههههههههه
واكيد كل الاعضاء رح يشوفوا الموضوع ورح يعملوا ردود على هذا الموضوع وبهيك بنكون احنا تعرفنا على الاعضاء في المنتدى ..

لا تنسى تضغط على الصورة عشان تبين كبيرة






طبعاً بعد شي 10 دقائق او اقل او اكثر او بعد يوم او يومين يعني حسب تواجد الاعضاء بنرجع بنفوت على الموضوع الي كتبنا عشان نشوف ازا كان في حد عمل رد ورحب فينا واكيد رح نلاحظ ان في كثير اعضاء كتبوا ردود ..

طبعاً طريقة العودة للموضوع اكيد عارفين كيف بس رح اشرحها بدون صور هههه

طبعاً مثل ما فوتنا بالاول على منتدى التعارف والاصدقاء بنرجع بنفوت على القسم مرة تانية

ورح نروح نشوف موضوعنا بين المواضيع ... وبنفوت عليه اكيد وبنشوف ازا كانوا الاعضاء عملوا ردود واكيد ازا عملوا ردود رح نشكرهم كل واحد باسمه واكيد هلة رح اشرح كيف بدنا نعمل رد على الموضوع ...

واكيد لا تنسى انك تدخل على مواضيع الاعضاء التانين في نفس القسم تاع التعارف والاصدقاء وتعمل رد وهلة رح اشرح كيف تعمل رد عشان ترحب فيهم وتعرفهم على نفسك عشان يفوتوا على موضوعك ويرحبوا فيك كمان ...


*********

الان وبعد ما كتبنا الموضوع خلص بدنا نرجع على الصفحة الرئيسية للمنتدى عشان ما نضيع وقتنا واحنا نستنى في الاعضاء يردوا على موضوعنا وخلينا نرد كم رد على الاعضاء التانين عبين ما يردوا على موضوعنا ويرحبوا فينا ، وهلة بنروح على قسم وموضوع ثاني ونقوم بالرد على مواضيع الاعضاء الاخرين (عشان نشجعهم على كتابة الموضوع وعشان يعرفوا ان احنا مهتمين في مواضيعهم )


وهلة بدنا نروح على قسم حلو كتييييييييييير وهو قسم الشعر والخواطر عشان فيه كلام حلو هههههههههه واكيد الشرح بنطبق على كل الاقسام وكل واحد يروح على اي قسم بحب يشوف فيه المواضيع بس انا اخذت قسم الشعر كمثال واكيد نفس الشرح هون بنطبق على قسم التعارف والاصدقاء ...


********

وبعد ما رجعنا على الصفحة الرئيسية للمنتدى بنروح بندور على القسم الي بدنا نشارك فيه ونعمل ردود على المواضيع ...

وانا اخترت قسم الشعر والخواطر وهيني فوتت عليه ::





والان وبعد ما دخلنا القسم ...

بدنا نختار الموضوع الي بعجبنا عنوانه (( او الي بعجبنا كاتب الموضوع ههههههههه ))

ونختار الموضوع وانا رح اختار موضوع عشوائي ههههههههه






وبعد ما اخترنا الموضوع الي بدنا نشارك فيه ونعمل رد .. واكيد برجع اكرر هذا الشرح بنطبق على كل الاقسام وعلى كل المواضيع

(( هلة واحد فيكم بطلع يحكي وبعدين معك يا اخي فهمنا عليك هذا الشرح بنطبق على كل الاقسام وعلى كل المواضيع هههههههه ))

والان وبعد ما فوتنا على الموضوع وخلصنا قراءة للموضوع او تفرجنا على الموضوع واعجبنا هذا الموضوع

وحبينا ان نحكي لصاحب الموضوع

(( شكراً على هذه الكلمات الرائعة او شكراً على الشعر الرائع او اي شئ ))

وأكيد رح نلاحظ ان في اعضاء عملوا ردود على هذا الموضوع واحنا رح نحكي ليش هم هدول الاعضاء احسن منا ههههههههه

وبدنا هلة نعمل احنا رد وببساطة ....

رح ننزل اخر شي في الصفحة ،،،

رح نشوف ان في صندوق صغير وهذا الصندوق عشان نكتب فيه الرد الي بدنا نكتبه على الموضوع الي فوتنا عليه

وهاي الصورة التوضيحية ...

وطبعاً لا تنسى تضغط على الصورة عشان نكبر حجمها ....





والان لازم نروح على موضوع ثاني في قسم ثاني او في نفس القسم عشان نشارك ونرد على المواضيع ...


والان احنا اصبحنا نعرف كيفية المشاركة والتواصل في المنتدى ...

وبتمنى اني اكون افدتكم من خلال هذا الشرح المتواضع ...

وطبعاً ما بدنا ننسى ان احنا الان اصبحنا نعرف نتواصل ولازم نشارك في كل الاقسام ،، سواء كان في اضافة مواضيع او اضافة ردود ....

مع تحياتي للجميع

اخوكم فادي
منتديات طمطوم